روتين عنايتي ببشرتي ♥♥♥

مرحبا ...

كيفكم يا وردات ؟! 

بوست اليوم راح اعرض روتيني بعناتي لبشرتي
صباحا و مساء 

بدايتا انا نوع بشرتي مختلطه حساسه  ... 

.

فالصباح  :
اغسل وجهي بغسول سيتافيل 

خفيف ع البشره وجدا ممتاز وطبي وخالي من العطور ومرتاحه عليه شخصيا 

بعدها ارطب وجهي
 بمرطب سيتافيل : طبي خالي من العطور ترطيبه جدا عميق و يناسب جميع الاعمار حتى الاطفال 

+ ارطب شفايفي بزبدة الشفايف من لابيلو
اخذ شئ بسيط وامسحها ع شفايفي 

و طبعا واقي الشمس م انساه بايو ديرما من احسن الواقيات لانه مايشكل طبقه بيضه او يخرب عليك او ينشف او يدهن بالعكس ممتاز و يعتبر شئ طبي 

عنايتي الليليه :
امسح الميك اب بمزيل ميك اب لو كنت حاطه
استخدم مناديل جونسون للبشره الجافه
مريحه ♥

بعدها امسح وجهي بتونر اجمل تونر جربته بعد موية الورد تونر بايو ديرما ينظف بشكل لطيف وتطلع بلاوي اصلاا ههه ♥

بعدها استخدم مقشر للوجه مع فرشة بودي شوب المخصصه للوجه بنسبه للمقشر استخدمه مرتين بلاسبوع استخدم مقشر سانت ايفز جدا حابته و مرتاحه عليه واحس جد ويني عنهه بعدها استخدم غسولي من سيتافيل و ارطب وجهي بمرطب سيتافيل + شفايفي بزبدة لابيلو 

_ 

نصائح :

 
غذائك اهتمي فيه + المويه اشربيها بقد ماتقدرين اخذي فيتامينات + اهتمي في بشرتك المقشر استخدميه مرتين بلاسبوع و بكذا اكون خلصت البوست 
...دمتم ورداتا لي 

نظام اكل صحي ! رياضه وكل شئ بدون حرمان *

السلام عليكم
كيفكم ي وردات ؟

بوست اليوم عن الاكل و الحياه الصحيه  و الرياضه
طيب بشرتك نظارتها تنبني ع اعضاء جسمك لو كانت ماخذه كفايتها و حقها راح تشرق بشرتك وجهك
عشان كذا ركزي ع غذائك

نبدء بنصائح توصلنا لهدفنا :
 خذي الفيتامينات
 اشربي 13 كاس ماي باليوم !!! بشهر رجع  اربيعينه 15 سنه ورااا
اقطعي المشوبات الغازيه تمااااااما

البديل :
عصيرات
سموذي
قهوه ! اكيد بتقولون هئه ؟ مو هيلثي مش صحيه !!! بقول لكم القهوه لها مضار و مناافع بس لو شربي بمعدل 100 مل جرام هينا راح تستفيدين من منافع القهوه و ما بتضرك لو كل يوم بس 100 مل رحتي ستار بكس اطلبي اصغر حجم !! ولو انتي مرا خايفه من القهوه انها تاثر مع ان هالمعدل ما بياثر بس لو انتي خايفه ومتشككه بعدها اشربي كاس ماي كامل

 نجي للاكل ! :
راح اعطيك امثله بسيطه لاكل صحي ولذيذ لكل وجبه مثالين

الفطور  :
خلي عاده في فطورك
( ماي + تمر + فواكه او خظار + ساندوتش )
 طيب !

امثله
ساندوتش زبدة الفول السوداني فوقها موز مقطع + تفاحه او توته او فروله او خيار ؟  وطبعا الماي و التمر

2

ساندوتش جبن مع بيض + فروله او اي فاكهه تبين  او خظار +  ماي و تمر


الغداء :

باستا مع دجاج + سلطه خظرا + تفاحهه


2

رز ابيض و مرقة صدر دجاج صيني صغار زي حق كانتون  +  خياره + فروله


العشاء :

ساندوتش برقر + تفاحه + سلطه خظرا


سلطة دجاج  + خيارا + فروله

بنسبه للسناك او يعني بمعنى اخر اسباب التخمه الاكلات العباره حلويات شبسات و هالاشياء ما اقولك لا تاكلين حبيبي ؟ اكلي بس بالمعقول

مثال لسناك :

موز مع نوتيلا او فروله مع نوتيلا


2

كوكيز شوفان + موزه او توته الي هو


اتمنى حبيباتي اعجبكم القسم الاول من الموضوع عشان ننتقل للقسم الثاني من الموضوع

الرياضه :
نبدء بنصائح :
عودي نفسك تمشين نص ساعه كل يوم !!!
13 كاس ماي باليوم
اكل صحي
اعتناء خارجي بالجسم و البشرهه
و التمارين !
.
.
.
هااا وصلنا لكلمة تمارين ؟
يعني هنا نبدتي بالتفصيل

اول شئ قبل ل تبدين ايش متطلباتك ؟
اشد بطني
و صدري
و المؤخره
وتكون عندي لياقه
رشاقه بقولك الرشاقه تجي لو اتبعتي كل الي قلته بدون حرمان ولا شئ بس بلاستمرار !

نبتدي

اول شئ تحتاجينه قبل ل تبدين الرياضه

لبس الرياضه جدااا مهم بيهيئ جسمك للرياضه  و اصلا بيفتح نفسك

روحي نايك او اديداس واختااري الي يعجبك
ولا تنسون الستيان حق الصدر المخصص للرياضه عشان ما تحوسين و يكون شاااد مايهم لو كان كبير او صغير بس ضروري هالشئ

و تحتاجين اكرمكم الله شوز للرياضه عشان يريحك بالمشي ويساعدك و يأهلك للتمارين

و اخر نقطه قفازات عشان يدك ماتتعور او تتعب !!! من التمارين وتكون شاده وانتي مرتاحه

نبتدي بالتمارين

شد البطن  و اليد او الزند و الصدر و المؤخره و الارداف !
راح يخليك تحتاجين هالشئ الي يوفر لك العنااء

اول شئ المفرش الموجود هذا بيريحك و بيأهلك للتمارين من ملمس و راحه
ثاني شئ الكوره لشد المؤخره و الارداف و البطن
و الي زي المسكات لليد هذا لشد الصدر و اليد
يعني اختصرنا كل المسافه عليناا
راح اعطيكم فيدهات باليوتيوب لتمارين

هذا فيديو توضيحي لشد المؤخره + البطن + الارداف مع الكوره
هنا

وهذا فيديو توضيحي لماسكات اليد لشد اليد و الصدر
هنا
و فيديو ثاني لشد البطن و المؤخره و الارداف بنفس الاداه
هنا

وهذا فيديدو ل تمارين عامه
هنا

احسن اجهزه للرياضه لو انك ماعندك مكان تمشين فيه اشتري هالجهاز لو عندك احس ما بيكون له داعي

اخر جهاز

نفس الشئ للمشي و للشد


اخر شئ حابه اقوله لو كنتي متينه او شئ زي كذا لا تحرمين نفسك وامشي ع الي قلتك هيلثي صحي و رياضه و انتهينا
لو انتي نحيفه اوصلي للتميز
لو انتي متميزه حافظي ولاتخربين جسمك

انا اختصرت كللل شئ باشياء سهله و متوفره بكل مكان وتعطي نتائج جدااااا جميله بأذن الله
نهايتا اقول لك لاتخلين احد يحطمك بهالكلمات
( دبه ... وين الدايت ؟ .... مابتطلعين من الباب ؟ )
ولا تعطينه مجال يتلفظ بهالكلام بدون مشاكل ردك ! بيكون بأفعالك وبس !
كوني ما يتمنون ان يكونون !!!
ان شاء الله تكونون استفدتو
وبس

دمتم ورداتا لي :$ 

ميك اب النظارات + نظارات دارجه لهالموسم

السلام عليكم 

موضوع اليوم ميك اب للجميلات الي يلبسون نظارات استعجلت في هلبوست 

لان عارفه العيد قرب و الله يعيده علينا وعليكم بكل سعاده يارب 

وكثير بنات يلبسون نظارات و يحتارون في الميك اب ! 

االميك اب : 

العيون :- 

اكيد لازم تخفين الهالات السودا اول شئ بالكوركتر بعدها بالكونسيلر عشان يبين محيط العين نظيف و جميل 

بنسبه لكسره العين استخدمي دائما اللوان فاتحه تدريجات البني الدافي 

عشان تعطي ايجاء ان العيون اوسع و محدده بشكل مرتب وتركيز حلو للعين 

الاي لاينر اشوف شئ مهم لانه راح يعطي اطلاله و تركيز للعين جدا حلوو وانيق و مو نوع من الاي لاينرز ! الاي لاينر المجنح راح يكون بيرفكت وجدااا انيق 

اللون الاسود يعطي تاثير ملفت وجميل جدا لاحظت هلشئ ع اكثر من وحدا نفس الشئ التاثير البيج ع  بيبي بينك 

طيب كيف تعطين هالتاثير ! بلاكحال كحلي داخل عينك بهاالالوان 

بنسبه ل مدمع العين احس جدا ضروري ان تكون مضيئه يعني تحطين اي لاينر فضي قليتر طبعاا او اي شادو يكون قليتر وفضي لؤلؤي و موهيه 

بنسبه للشادو ع اجفن المتحرك من وجهة نظري السموكي بيعطي طلهه بيرفكت بمعنى الوان سموكي غامقه بيعطي تركيز جذاب بصراحه اما اذا كان لشئ سمبل مثلاا ماتبين كثير اشياء وتبين ناعم 

انصحك ب الوان تكون مات مطفيه 

بنسبه للماسكرا برايئ ان الماسكرا تكون تكثف افضل من ان تطول لان الكثافه راح تعطي طلهه جميله مع النظارهه 

هذي صور تقريبيه ل اللوكات الي وصفتها 

لاحظتي  كيف اللون الاسود و الاي لاينر و الوان السموكي و كثافة الرموش تعطي شكل بيرفكت ؟ 

نجي للوجه :- 

حطي الفاونديشن او البي بي كريم او السي سي كريم حقكك عادي 

و الكونسيلر وكل شئ 

بنسبه للبلشر حطيه ع عضمة الخد راح يبرز وجهك و نظارت بشكل مرتب وجدا نظيف لو حطيتي البلشر ع خدك راح يروح نص البلشر بالنظارات و ماراح يبان شئ 

الكونتور جدااا مطلللوب لانه راح يعطي شكل واطلاله ! 

سوي كونتور نعوم وخفيف عشان مايصير التركيز عليه ؟ 

نجي للحواجب : 

ابداااا ماتكون نازله راح تختفي مع النظارات و الحواجب شئ اساسي بالوجهه ! واهم نقطه بالميك اب تكون بيرفكت 

خليها رفيعه بشكل موزون ويناسب وجهك بدون لوكك قاسي يعني بدون مربعات من قدام او لون اسود حتى لو شعرك اسود حطي بني محروق 

نجي للارواج : 

لاحظت الالوان الناعمه تعطي لوك جداا جميل مع النظارات 

زي بنفسجي فاتح .. بينك فاتح .. 

و لاحظت ان بالنظارات يا تحطين فاتح يا غامق مافي وسط ؟ 

يعني امثله للغامق 

احمر ع عودي برتقالي غامق لكان فسفوري بيعطي تاثير مو حلو ابدااا من وجهة نظري .. فوشي .. بنفسجي غامق 

نجي لاخر نقطه 

النظارات الدارجه الي نشوف الاغلب يلبسها 

الي هي تكون شمسيه وتحطين لها عدسات طبيه 

هلموسم جدااا داارج اللون الذهبي و بصراحه جميل الذهبي واحسه جداا انيق 

اول نوع نشوفه بالمدارس و الجامعات وبكل مكان دارج بشكل مو طبيعي 

انيق حلو الذهبي ما احسه دفش ابداا 

ثاني نوع الدارج واحسه يصلح ل اغلب انواع الوجيه هوا الفريم او الاطار من فوق اسود و من تحت ذهبي او شفاف 

هذا النوع الي جدددااا حبيته لان زي ماتعرفوني من عشااااق الفورااال 

نعومه و كيوته بشكل عام 

من دلوتشي اند قبانا 

ولهم نوع ثاني 

جدااا ناعم هلنوووع وحبيته بشكل مو طبيعي 

خامس نوع دارج وانيق احسه و مافي تكلفه كثيره 

الاطار اسود و الجوانب ذهبيه 

انيق وجميل بشكل عام حلو 

نجي ل اخر نووع فريم اسود عادي طبيعي و اتوقع الاغلب عندهم مثل هلنظاره 

كل سنه تندرج بس هلسنه رجو موضة السلاسل 

وبنظري شئ انننيق ان رجعوها 

صارو يحطون سلاسل ناعمه ذهبيه من الجوانب او الشئ الي حبيته حبات لؤلؤ يكونون صف ايش كمية كياته و جمال 

راح احط صوره لساسل توضيحه للي ماتعرف سلاسل النظارات 

وبكذا يكون خلص البوست 

اشوفكم ع خير ان شاء الله 

خليكم قريبات :$ 

ستايلك محتاره فيه بالمدرسه ؟ ستايلات 2014 تسريحات , بلوفرز , باك باقز Back to school

السلام عليكم

موضوعي اليوم عارفه ان الكل محاتيه و الاغلب محتار فيه 

لخبرتي البسيطه راح اقول الاشياء الدارجه من باك باقز و بلوفرز و تسريحات شعر 

كل شئ بيكون انيق و جميل لا تخافين خطوه خطوه معاي بقول الدارجين 

نبتدي بالتسريحات 

.

.

منتشرهه وشاائعه بشكلل عمميق جدا 

ناعه وجدا كلاس 

الي هي تاخذين جزء من فوق اذنك وتودينه ع ورااا سواء مظفر او عادي و بشعر ستريت او ويفي 

تثبتينهم ي ب بابي بنس او تربطين و في بعد بدال مايربطون بشكل عادي لا يربطون و مايطلعون كل الشعر من الربطه اتوقع فهمتو قصدي لان كل المدارس ع هلتسريحه

نجي لثاني تسريحه الي هي بوني تيل انيق مو مرتفع مرا ولا نازل مرا نفس هلارتفاع الي بصوره 

دارجه بشكل كبيرررر ويكون بدون هاد باند انعم بنسبه لي 

نجي لثالث تسريحه ظفيره جدااا دراججه لانها بجد تعطي شكككل جمممميل جددو التسريحه بشكل انييق جداا وجمميل اربطي شعرك ع فوق بس مو مراا مرتفع نفس الارتفاع الي بصوره 

وظفري بالظفيره الي تعجبك فيش تيل او العاديه الي تبين و البسي حلق انيق وناعم معاها وحطي هاد باند ويكون بارز وناعم 

خلي كل شئ بشكل عشوائي وناعم 

رابع تسريحه ظفيره ع جنب ماحسيتها دارجه كثير كثير كثر الي قبلهااا بس دارجه وبجد انيقه و عفويه وهلتسريحه تعتمد ع العشوائيه افضلها بدون هاد باند عشان يكون شكلك انعم و مو اوفر او لحجي 

خامس تسريحه ميسي بان او كعكه 

كل سنه تندرج هلتسريحه وتفك ازمات عند البعض اشوفها جميله وانيقه 

واشوف انها احلى لو بدون هاد باند 

التسريحه الي قبل الاخير تسوين شعرك كيرلي بشكل ناعم ع طبيعته 

اخر تسريحه التسريت وحطي جزء من شعرك ع جنب واحد و افرقي من ع جنب 

خلصنا من الشعر نجي 

للبلوفرز 

او الجاكيتات 

هلسنه البلوفرز دارجين اكثر من الجاكيتات ماعاد ترنق جوسي كوتور لازم بكل سنه يكون دارج 

شنوعية البلوفرز الدارجين ؟؟؟؟

اول شئ بغض النظر اني احب الورد او شئ  زي كذا 

الا ان البلوفرز الموردين دارجين بشكل مو طبيعي 

وهلشئ فرحححت فيه انا مرااا 

لاني من عشاق الوررد 

ثاني شئ  البلوفرز الساده الطبيعين او المنقطين او المخططين او الصوف الطبيعي يكون زي النسيج 

ثالث شئ البلوفرز الي يكونون زي هلاشكال 

سواء مقلمين او مخططين او ساده 

رابع شئ الي دارج بشكلل كبببير البلوفرز القصاار 

ساده او عليهم رسومات او كلام سواء قماش عادي او صوف زي النسيج 

حبيت هلستايل لانه جدااااا دارج وناعم و يعطي طلهه بجد كيوت 

خامس شئ البلوفرز الغريبين الي عليهم مارلن او اشياء كيوت زي هذا او ميني ماوس وهلاشياء 

جداااا دااارج وحبيته 

اخر شئ تنرقز جوسي او جاكيت جوسي المخملي 

كل سنه يتجدد و ماينمل منهم الصراحه 

وجدا انيقين نصيحه لاتاخذين مقاس كببير !!! حلاته جوسي مخصر مو بشكل اووفرر لا طبعاا يعني يكون مقاسك ومو صاااك لا عادي بس مخصرك لو كنتي متينه ما انصحك بهلشئ ولو كنتي متينه انصحك ب اللون الاسود ب اي شئ تلبسينه يبين انك انحف من وزنك 

نجي لاخر شئ الباك باقز 

الي دارج هلسنه 

شنط الجلد الي زي كذا و القماش الي زي كذاا 

انصحك دام اننا صيف اختاري الجلد و ف الشتا القماش 

اخر شئ هلنوع دارج بعد وانيق وناعم جداااا 

حبيته بس انا اخذت جلد 

وبكذا اكون خلصت البوست اتمنى اكون افدتكم ب الاشياء الدارجه لهلسنه 

الله يوفقكم يارب ي انيقات 

بحفظ ربي ... 

مبتدئه : فرش ميك اب مهمه !

السلام عليكم ...
كيفكم ؟ ي وردات 

اول تدوينه لي ع مدونتي 
حبيت تكون عامه تفيد المبتدئه و المتمرسه 
بس غالبا المتمرسه 
اول شئ الفرش شئ اساسي بالميك اب ولما تبين احلى نتيجه ضروري تكون شعر طبيعي مو صناعي لان غالبا الصناعي 
سئ 

الفاونديشن 
ك مبتدئه و محترفه البيوتي بلندر شئ خرااافي احبها اكثر من مليون فرشة فاونديشن او كونسيلر 
كمية نظافه و جوده تعطيك لوك وطله جميله 
و تقدرين تتحكمين ب طلتك 
اذا تبينها فل كافرج او متوسط او طبيعي ومستحيل استغني عنها 
وطريقة الطبطبه افضل طريقه لوضع و دمج  الفاونديشن و الكونسيلر و الكركتور 
مالقيت عليها عيوب بصراحه 
استخدمها في دمج الفاونديشن و البي بي كريم و الكونسيلر و المصحح الكركتور 
مو متوفره بالسعوديه تقدرين تطلبينها اون لاين او من التاجرات 

نجي للباودر 
هلفرشه اسهل و اسرعه و اجود فرشه للباودر جدا عمليه ما لاحظت اي عيوب منها 
توزع بشكل حلو وتعطي طله جدا جميله و تبين حق المنتج ماتظلمه 
بنسبه للاستخدام 
استخدمها للباودر و البرونز 
الي يعجبني فيها شعيراتها جدا ناعمه 
مو متوفره بالسعوديه تقدرين تطلبينها اون لاين او من التاجرات 

نجي للبلشر 
هلفرشه ممتازه جدااا جدااا اول شئ ناعمه و خفيفه شعيراتها تحط المنتج بشكل ممتاز 
ما لقيت اي عيب فيها 
مو متوفره بالسعوديه تقدرين تطلبينها اون لاين او من التاجرات 

نجي للكونتور و الهايلايت 
صغنونه جدا مريحه في الاسستعمال تدمج وتحط بشكل خرافي ونفس الشئ ناعمه 
استخدمها للاضاءه و الكونتور 

اخر شئ العيون 
راح اقولكم خيارين من الفرش من ماك و ريل تكنيك 
اول شئ ظروري تعرفين ان يكون عندك فرشة لوضع الشادو الجفن الي هي ثاني فرشه من فوق 
من ماك جودتها حلووه وتوزع بشكل حلو تستحق الصراحه كل ريال اندفع فيها رقمها 239 
ثاني فرشه ضروري تكون عندك فرشة دمج صغيره للدمج المحدد يعني ف مكان معين مثلاا ع كسره العين و و الخ.....
عندي خيارين لهلنقطه 
اول وحدا من ماك ثالث وحدا بالصوره من فوق هلفرشه الكل يمدددحها ومرتاح عليها تدمج بذمه و ضمير احس مابقت ارتست الا وجربتها وهي اشهر فرش جودتها جميله طبعا الكل يعرف فرش ماك ما يمزحون بجودتهم العاليه 
للفرش رقمها 217 

الخيار الثاني نفس الشئ حلوو وارتحت عليها انا بنسبه لي الي هي خامس فرشه من فوق من ريل تيكنيك 
اسمها base shadow brush 
تقدرين تخلينها لاستعمالين لانها مسطحه وتختصرين ع نفسك تخلينها لوضع الشادو و للدمج المحدد بنفس الوقت 

نجي للدمج العام بنسبه لي هلنقطه اساسيه ل كل طله مرتبه وميك اب نظيف 
فرشة الدمج العام نفس الشئ عندي خيارين لك 
شكل فرشة العام مثل سادس وحدا قبل الاخيره تكون منفوشه شويا وتدمج بقايا الشادو و الزوائد تنظف الميك اب لك 
في من باليت نيكد 2 
وفي حقت ريل تكنيك الي هي رابع وحدا فوق 
استخداماتهم للدمج و لدمج الكونتور ع الانف 

قبل الاخير الحواجب هلفرشه مابقى احد ماتكلم عنها جمممممممممممممممممميلللله ودقيقققه وتطلع الطله جدا نظظيفه للحاجب من بودي شوب غنيه عن التعريف الفرشه المشطوفه  

اخر شئ الاي لاينر عن نفسي ارسم الاي لاينر بلزقه ف ناسبتني حقت ميلين الي هي اخر وحدا تحت جتني مع الجل لاينر 
ولو كنتي ترسمين بيدك انصحك احلى شئ للمبتدئه او ارتست و ثاني فرشه مشهورهه عند ماك ! 
فرشة الاي لاينر 210 بس انا حطيت الاشياء الي ممكن تنفع المبتدئات اكثر واشياء ماتخسرك كثير 
لين ماتتمرسين 
مو متوفره بالسعوديه تقدرين تطلبينها اون لاين او من التاجرات 

وبكذا اكون خلصت البوست 
ان شاء الله اكون افدتكم 
في امان الله 
حسابي ع الانستقرام : Mimifloralista@